Skip to main content

News

Turnier da notg 2019

Ei vegn puspei dau unihoc per ina notg.

Tochen ils 03.11.2019 saveis s'annunziar pil Turnier da notg.

Ina dumengia cun potenzial anavon

La dumengia vargada ha era igl emprem campiunadi dallas damas secunda ligia d‘unihoc Mustér entschiet. L‘emprema runda ha giu liug egl Appenzell. L‘equipa giuvna semuossa plein fidonza e motivaziun alla emprema runda da campiunadi.

Entschiet la sesiun cun ina victoria

La dumengia dils 22.09.19 ha l‘equipa dils umens dalla quarta ligia dils Desertina Bulls giu sia emprema runda da campiunadi a Bazenheid en il cantun Sogn Gagl. En igl emprem giug han els gest saviu perschuader cun in 5:4 encunter l’equipa da casa, Bazenheid/Toggenburg. Il secund giuc han els buca saviu nazegiar lur habilitads ed han spiars cun 5:1 encunter ils Fortitudos da Gossau.

Duas terradas per la U21

Tier lur emprema runda da campiunadi han nossas junioras U21 survegniu empau giu pil tetg. Cun duas claras terradas han ella stuiu retuornar senza puncts a casa.

Negina schanza per las damas encunter l'equipa dalla NLA

Ella secunda runda da cup han las damas giu negina schanza encunter l'equipa da Zug United. La differenza denter la secunda ligia e la pli aulta ligia Svizra muossa era il resultat cun 0:12. Per nossas damas ei quei tuttina stau ina buna experientscha ed in eveniment, ch'ei dat buca en mintga sesiun.

Camp da trenament a Tenero

Nossa U21 ha saviu passentar la fin d'jamna vargada a Tenero en in camp da trenament ed aschia sepinar optimal silla sesiun nova.

Victoria el Cup per las damas

Lur emprem giug da Cup encunter ils Black Creek Schwarzenbach han nossas damas saviu gudignar cun 2:1 ed aschia contonscher la secunda runda. Ella proxima runda vegn igl adversari ord la ligia naziunala A, numnadamein l'equipa da Zug United.

Midadas en suprastonza ed administraziun

Alla radunonza generala ei Ursin Deflorin vegnius elegius sco niev actuar e Gian Fankhauser sco niev responsabel da sponsoring.

Plinavon ei Yannick Flepp vegnius elegius per dus ulteriurs onns sco revisur da quen.